11/02/2022
*نیوز رپورٹ: ( کے-آئی نیوز )*
*10فروری 2022*
وائس چانسلر ڈاکٹر جہان بخت ،کشمیری اور یونیورسٹی طلباء یونیورسٹی آف ایگریکلچر پشاور کے زیر اہتمام یکجہتی جموں کشمیر سیمینار اور ریلی کا اہتمام کیا گیا۔ جس کی صدارت یونیورسٹی کے وائس چانسلر ڈاکٹر جہان بخت اور مختلف ڈیپارٹمنٹ کے ڈینز نے کی۔
وائس چانسلر ڈاکٹر جہان بخت نے میڈیا سے گفتگو کرتے ہوئے کہا کہ ہم کشمیری عوام کی جدوجہد کو سلام پیش کرتے ہیں اور ان کو یہ یقین دلاتے ہیں کہ ہم ان کے شانہ بشانہ کھڑے ہیں۔ کشمیری ہمارے جسم کا حصہ ہیں۔ ہم کشمیریوں کے درد میں برابر کے شریک ہیں۔ جب تک کشمیر آزاد نہیں ہوتا تب تک ہم کشمیریوں کے حق کی آواز بلند کرتے رہیں گے۔یہ ہماری آئینی اور دینی فریضہ ہے۔
سیمینار میں شریک تمام کشمیری طلباء نے عہد کیا کہ جب تک بھارت کا آخری فوجی مقبوضہ جموں کشمیر سے نکل نہیں جاتا تب تک یہ جدوجہد جاری رہے گی اور پاکستان کے ساتھ ہمارا دینی رشتہ ہے۔ پاکستان کے ساتھ ہمارا رشتہ کلمہ طیبہ پاک لا الہ الا اللہ محمد رسول اللہ کی بنیاد پر ہے۔ ہماری ہواؤں کا رخ پاکستان کی طرف ہے۔ ہمارے دریاؤں کا رخ پاکستان کی طرف ہے۔ ہمارے روزے اور عیدیں پاکستان کے ساتھ ہوتی ہیں۔ ہم پاکستانی ہیں پاکستان ہمارا ہے۔
سیمینار کے بعد ریلی میں شریک شرکاء نے ہاتھ میں کشمیر کا جھنڈے اور بینرز اٹھائے ہوئے تھے۔کشمیر کے حق میں اور بھارت مخالف نعرے بازی کی۔
