Govt.Associate College Women Renala khurd Okara

18/05/2026

“اُس کی آنکھیں شاید دنیا کو مکمل نہ دیکھ سکیں، مگر اُس کے خواب ہمیشہ واضح رہے۔ مشکلات، محرومیوں اور بے شمار چیلنجز کے باوجود اُس نے ہار ماننے کے بجائے علم کا راستہ چنا اور آج ایک کامیاب لیکچرار بن کر یہ ثابت کر دیا کہ اصل طاقت انسان کی سوچ، حوصلے اور یقین میں ہوتی ہے۔ اُس کی یہ کامیابی ہر اُس شخص کے لیے پیغام ہے جو زندگی کی کسی کمی کو اپنی ناکامی سمجھ بیٹھتا ہے۔📚


Maryam Nawaz Sharif Rana Sikandar Hayat Higher Education Department-HED Punjab

12/05/2026

گورنمنٹ ایسوسی ایٹ کالج برائے خواتین، رینالہ خورد کے لیے ایک اور قابلِ فخر لمحہ ✨🎓
ہمیں ADP سیشن 2024-2026 کے تیسرے سمسٹر (Semester III) کے شاندار نتائج کا اعلان کرتے ہوئے بے حد خوشی محسوس ہو رہی ہے۔ ہماری ہونہار طالبات نے اپنی مسلسل محنت، عزم اور قابلیت کے ذریعے نمایاں کامیابیاں حاصل کر کے ادارے کا وقار بلند کیا ہے۔
تمام کامیاب طالبات کو دل کی گہرائیوں سے مبارکباد! 🌸 اللہ تعالیٰ آپ کو مستقبل میں بھی مزید کامیابیاں عطا فرمائے۔
یاد رکھیں: کامیابی اُنہی کا مقدر بنتی ہے جو خواب دیکھنے کے ساتھ اُنہیں پورا کرنے کی ہمت بھی رکھتے ہیں۔ اسی جذبے کے ساتھ آگے بڑھتی رہیں اور نئی منزلیں حاصل کریں۔ 🏆📚

12/05/2026

گورنمنٹ ایسوسی ایٹ کالج برائے خواتین، رینالہ خورد کا اعزاز 🎓
ہمیں اپنے ADP سیشن 2027-2025 کے پہلے سمسٹر (Semester I) کے شاندار نتائج کا اعلان کرتے ہوئے بے حد فخر محسوس ہو رہا ہے۔ ان طالبات نے اپنی انتھک محنت اور لگن سے کالج کا نام روشن کیا ہے.
ہم تمام کامیاب طالبات کو ان کی بہترین کارکردگی پر مبارکباد پیش کرتے ہیں اور ان کے روشن مستقبل کے لیے دعا گو ہیں۔

یاد رکھیں: محنت کبھی رائیگاں نہیں جاتی۔ اسی طرح آگے بڑھتے رہیں اور بلندیوں کو چھوئیں! 🏆📚

11/05/2026

گورنمنٹ ایسوسی ایٹ کالج برائے خواتین رینالہ خورد میں سال اول اور سال دوم کی طالبات کے والدین کو پری بورڈ امتحانات کے نتائج سے آگاہ کرنے کے لیےوالدین و اساتذہ کی ایک باوقار اور کامیاب میٹنگ کا انعقاد کیا گیا۔ اس موقع پر والدین، اساتذہ اور کالج انتظامیہ کی بھرپور شرکت دیکھنے میں آئی۔

میٹنگ کے دوران والدین کو طالبات کی تعلیمی کارکردگی، حاضری، نظم و ضبط اور مجموعی پیش رفت سے تفصیل سے آگاہ کیا گیا۔ اساتذہ نے طالبات کی صلاحیتوں، کمزوریوں، امتحانی نتائج اور کلاس روم رویّے کے حوالے سے مفید گفتگو کی۔ والدین نے بھی اپنی آراء اور تجاویز پیش کیں، جنہیں نہایت توجہ اور سنجیدگی سے سنا گیا۔

کالج کی پرنسپل صاحبہ نے اس بات پر زور دیا کہ طالبات کی بہترین تربیت اور کامیابی کے لیے والدین اور اساتذہ کا باہمی تعاون بے حد ضروری ہے۔ انہوں نے کہا کہ مستقل رابطہ اور مثبت رہنمائی ہی طالبات کو بااعتماد، بااخلاق اور کامیاب شہری بنانے میں اہم کردار ادا کرتی ہے۔ کالج انتظامیہ نے معیاری تعلیم اور بہترین تعلیمی ماحول کی فراہمی کے عزم کا اعادہ بھی کیا۔

سالانہ امتحانات کے لیے تمام طالبات کے لیے نیک تمنائیں اور ڈھیروں کامیابی کی دعائیں

09/05/2026

السلام علیکم
محترم والدین!
کالج کے نام پر فیک کال کے ذریعے فیس جمع کروانےکی ہدایات کی اطلاعات موصول ہو رہی ہیں۔ خبردار رہیے، کالج ایسی کوئی ہدایات جاری نہیں کر رہا۔ کالج کبھی بھی آن لائن فیس جمع کروانے کو نہیں کہتا۔ کسی بھی مسئلے کی صورت میں فوراً کالج انتظامیہ سے رابطے کریں۔

Umar Farooq
Admission Office
0305 4383681

07/05/2026

Welcome To Parent teacher Meeting 🤝

26/04/2026

https://www.facebook.com/100057526025881/posts/1447669260493928/?mibextid=rS40aB7S9Ucbxw6v

Admissions Open! A golden opportunity for talented students to begin their academic journey under the guidance of experienced professors. Secure your future with scholarships, and a supportive environment at Government Associate College for Women, Renala Khurd.

24/04/2026

داخلہ لے لو، داخلہ لے لو۔

داخلوں کا موسم ہے اور ہر طرف یہی صدا سنائی دے رہی ہے۔ چونکہ اس کی ٹون sales pitch جیسی محسوس ہوتی ہے، اس لیے شاید آپ سمجھیں کہ ایسا کہنے والے سب کاروباری سوچ رکھتے ہیں۔ مگر ایسا نہیں ہے۔ ذرا یہ بھی دیکھیے کہ یہ آواز بلند کون کر رہا ہے۔

کچھ لوگ داخلہ لے لو اس لیے نہیں کہہ رہے کہ انہیں کوئی کاروبار چلانا ہے یا اس سے مالی فائدہ حاصل کرنا ہے۔

ہم سرکاری اداروں والے اسے ایک awakening call سمجھتے ہیں۔ ہم عوام کے پیسوں سے چلنے والے اداروں کے امین ہیں۔ ہماری تنخواہ تو سرکار نے مقرر کر رکھی ہے، داخلہ ہو یا نہ ہو وہ کسی نہ کسی طور چلتی ہی رہے گی۔
اگر ہم آپ سے کہتے ہیں کہ داخلہ لے لو، تو ہم اس لیے کہتے ہیں کیونکہ اس میں آپ کا فائدہ ہے۔

• ہم چاہتے ہیں کہ جو سہولت حکومت آپ کو انتہائی کم خرچ یا مفت فراہم کر رہی ہے، آپ اس کے لیے غیر ضروری طور پر ہزاروں اور لاکھوں نہ دیں۔
•ہم چاہتے ہیں کہ آپ سمجھیں کہ وقت بدل گیا ہے۔ آپ بھی اپنی ترجیحات بدلیں۔ آپ صرف تعلیم کے نام پر لاکھوں خرچ کر کے بچوں کا مستقبل محفوظ نہیں کر سکتے۔ آپ انہیں وہاں بھیجیں جہاں کم خرچ میں اعلیٰ معیار ملے، تاکہ آپ وہی پیسہ ان کی سکل یا کاروبار پر لگا سکیں۔
• ہم چاہتے ہیں کہ آپ اپنے بچوں کو اسٹیٹس کے نام پر اُن اداروں سے دور نہ کریں جن کی اگر آج سالانہ فیس مقرر کر دی جائے تو وہ لاکھوں روپے ہو۔
• ہم چاہتے ہیں کہ آپ جانیں کہ لیبارٹری کا سامان اور لائبریری کی سہولیات ہوں، اعلیٰ تعلیم یافتہ فیکلٹی ہو یا کھیل کے وسیع میدان گورنمنٹ کالجز کا کوئی مقابلہ نہیں ۔
• ہم چاہتے ہیں کہ آپ کو احساس دلا سکیں کہ سستی تعلیم کا مطلب غیر معیاری نہیں۔ آپ کے ایک ایک بچے پر گورنمنٹ سالانہ لاکھوں روپے خرچ کر رہی ہے۔
• ہم چاہتے ہیں کہ آپ سنی سنائی اور دیکھا دیکھی اپنے بچوں کے مستقبل کا فیصلہ کرنے کے بجائے ہوشمندی سے کام لیں اور سرکاری اداروں پر اعتماد کریں۔
• ہم چاہتے ہیں کہ سرکاری ادارے نہ صرف چلیں بلکہ پھلیں پھولیں، کیونکہ اگر یہ بند ہو گئے تو مڈل کلاس اور غریب لوگوں کے لیے تعلیم کے دروازے بند ہو جائیں گے۔

اس لیے یاد رکھیں، جب ہم کہتے ہیں کہ داخلہ لے لو، تو ہم اس لیے کہتے ہیں کہ:
ہم کاروبار والے نہیں، احساس والے ہیں۔
تحریر: ڈاکٹر صائمہ مبشرہ

22/04/2026

گورنمنٹ ایسوسی ایٹ کالج برائے خواتین رینالہ خورد اوکاڑہ میں خون کی کمی (انیمیا) سے بچاؤ حوالے سے مورخہ 22-04-2026 کو پنجاب فوڈ اتھارٹی اوکاڑہ کے نیوٹریشن سیکشن کی جانب سے خون کی کمی (انیمیا) کی روک تھام کے موضوع پر ایک کامیاب آگاہی سیشن منعقد کیا گیا۔
👉 اہم نکات:
1- پنجاب فوڈ اتھارٹی اور نیوٹریشن ونگ کا تعارف
2- انیمیا کیا ہے، اس کی وجوہات اور صحت پر اس کے اثرات، خصوصاً نوعمر لڑکیوں میں
3- خون کی کمی سے بچاؤ، توانائی میں اضافہ اور تعلیمی کارکردگی بہتر بنانے کے لیے آئرن سے بھرپور غذا کی اہمیت
4- انیمیا سے بچاؤ کے لیے ضروری غذائی اجزاء جیسے آئرن، فولک ایسڈ، وٹامن بی 12 اور وٹامن سی
5- آئرن کے غذائی ذرائع جیسے سبز پتوں والی سبزیاں، دالیں، گوشت، کلیجی اور فورٹیفائیڈ غذائیں
6- وٹامن سی والی غذاؤں کے ذریعے آئرن جذب ہونے میں اضافہ، اور کھانے کے فوراً بعد چائے/کافی سے پرہیز
7- انیمیا کے نقصانات جیسے تھکن، کمزوری، توجہ میں کمی اور قوتِ مدافعت میں کمی
8- نوعمر لڑکیوں کے لیے ماہواری سے متعلق آگاہی اور مناسب غذائیت کی اہمیت
9- متوازن غذا، صفائی ستھرائی اور باقاعدہ طبی معائنہ جیسے صحت مند طرزِ زندگی کے اصول
خصوصی زور اس بات پر دیا گیا کہ نوجوان لڑکیاں آئرن سے بھرپور غذائیں اپنی روزمرہ خوراک میں شامل کریں، غذائی اجزاء کے بہتر استعمال کو یقینی بنائیں، اور عام غلط فہمیوں سے بچتے ہوئے خون کی کمی کے مسئلے پر قابو پائیں۔
کالج انتظامیہ اور طالبات اس مفید اور معلوماتی آگاہی سیشن کے انعقاد پر پنجاب فوڈ اتھارٹی اوکاڑہ کی مشکور ہیں۔

08/04/2026

📚 Pre-Board Exams in Progress
Pre-board exams are now in full swing at Government Associate College for Women, Renala Khurd. This important step has been taken by the Higher Education Department’s Academic Operations Wing to enhance student performance and academic outcomes. It provides students with a valuable opportunity to evaluate their preparation, identify weak areas, and improve before final exams—reflecting a strong commitment to academic excellence.
Wishing all students the very best of luck for their exams—may you achieve outstanding success! ✨📈

06/04/2026

السلام علیکم! تمام طالبات کو آگاہ کیا جاتا ہے کہ پری بورڈ امتحانات 7 اپریل سے شروع ہو رہے ہیں لہذا طالبات اپنے متعلقہ پیپر کے دن کالج تشریف لائیں گی ۔اپنے امتحان کے علاوہ کسی دن کالج تشریف لانے پر جرمانہ عائد کیا جائے گا۔والدین سے بھی التماس ہے کہ طالبات کو امتحان دینے کے لیے کالج بھیجیں۔شکریہ