24/05/2026
الحُب ❤️
ما عندو علاقة بالشكل… ولا اللون… ولا العِرق.
ممكن تحب زول إنت ما شفتو قبل كدا، وما عارف عنو غير اسمو… لكن تلقى نفسك ارتاحت ليهو بطريقة غريبة ✨
تحب شخصيتو… أسلوبو… احترامو… وطريقة كلامو معاك.
تحس إنو قريب منك شديد، لدرجة تشتاق لي وجودو حتى قبل ما تشوفو 😔❤️
وفي النهاية… هل حيفرق لو كان أبيض ولا أسود؟
مدام إنت عرفت الجوّاهو، وعرفت معدن الإنسان الحقيقي… دا براهو بكون كفاية 💙
نحنا في حياتنا بنقابل ناس كتار…
في ناس جمالهم يخطف العين، لكن أخلاقهم ما بتخليك تتحملهم يومين.
وفي ناس محترمين شديد، لكن طريقة تفكيرهم مختلفة عنك، والتفاهم بينكم شبه معدوم… وعشان كدا العلاقة ما بتقدر تكمل.
الحكاية ما شكل …
الحكاية راحة، تفاهم، احترام، وإحساس بالأمان ✨
نصيحة 🌸
ما تحكم على أي زول من شكلو، لأنو ربنا خلق الناس مختلفة، وما في زول اختار شكلو براهو .
لكن الأخلاق، والتربية، والوعي، وطريقة التعامل… دي الحاجات البتوضح حقيقة الإنسان ❤️
