12/02/2026
Khamiis, 12/02/2026, waxaa si rasmi ah xilalka ula kala wareegay Xukuumaddii 4-aad iyo Xukuumadda 5-aad ee Midowga Ardayda Jaamacadda Afgooye {MAJA}.
Guddoomiyihii Xukuumaddii 4-aad, Mudane Akram Mohamed Abdulahi, oo xaalad caafimaad darted u maqnaa, ayaa waxaa ku matalayay Mudane Abdullahi Mohamed Khadar, kaas oo xilka ku wareejiyay Guddoomiyaha cusub ee Xukuumadda 5-aad, Mudane Ayman Omar Mohamed, oo dhowaan ay ardayda Jaamacadda Afgooye ku doorteen cod aqlabiyad ah.
Xafladda xil wareejinta waxaa goob joog ka ahaa Engr. Abdiaziz Adow, oo si rasmi ah u kala wareejiyay xilalka labada xukuumadood, isla markaana kula dardaarmay maamulka cusub xil-gudasho hufan, daacadnimo iyo u adeegid ardayda jaamacadda.
Maamulka cusub ee uu hoggaaminayo Guddoomiye Ayman Omar Mohamed waxaan leenahay soo dhoweyn iyo hambalyo, waxaana rajaynaynaa inay si hufan ugu adeegaan ardayda Jaamacadda Afgooye.
Sidoo kale, maamulka xilka wareejiyay ee uu hoggaaminayay Guddoomiye Akram Abdullahi Mohamed waxaan leenahay waad mahadsantihiin, maadaama aad soo qabateen shaqooyin la taaban karo oo aad si sharaf leh ugu matasheen ardayda jaamacadda.
Xafiiska Midowga Ardayda Jaamacadda Afgooye waxaa illaa maanta soo hoggaamiyay afar guddoomiye, waxaana shanaad noqday Guddoomiyaha maanta xilka la wareegay.
Waa xafiis ay ardaydu ka helaan fursad ay ku horumariyaan kuna soo bandhigaan xirfadaha hoggaamineed ee muhiimka u ah mustaqbalkooda.