29/04/2026
Maanta waxaa si rasmi ah loo daahfuray Bandhigga Xayaat, kaas oo ay ka soo qeybgaleen arday, masuuliyiin, iyo marti sharaf ka kala socotay qeybaha kala duwan ee bulshada sida ganacsiga, Caafimaadka iyo waxbarashada.
Bandhiggan ayaa diiradda lagu saarayey arrimo muhiim u ah horumarka bulshada, oo ay ka mid yihiin waxbarashada, caafimaadka, ganacsiga, tiknoolajiyadda, iyo dhaqanka. Ujeeddadiisu waa in la isugu keeno fikrado cusub, la dhiirrigeliyo hal-abuurka dhalinyarada, isla markaana la abuuro isku xirnaan ka dhexeysa qeybaha kala duwan ee bulshada.
Furitaanka bandhigga waxaa si rasmi ah u sameeyay Macallin Kobac, oo ka hadlay muhiimada ay leedahay in la taageero horumarka aqoonta iyo hal-abuurka, gaar ahaan dhalinyarada. Wuxuu sidoo kale xusay in bandhigyada noocan oo kale ah ay door weyn ka qaataan kobcinta wacyiga bulshada iyo horumarinta xirfadaha.
galabta si rasmi ah loo daahfuray, bandhiggu wuxuu si buuxda u socon doonaa maalinta ilaa berri .
Bandhigga Xayaat ayaa la filayaa inuu noqdo madal muhiim ah oo lagu soo bandhigo hal-abuur cusub, isla markaana lagu xoojiyo iskaashiga u dhexeeya qaybaha waxbarashada, ganacsiga, iyo bulshada inteeda kale.
