Hamar University

24/06/2026

Maalinta Ashura waa maalin weyn oo barako leh oo ka mid ah maalmaha muhiimka ah ee Islaamka. Waxaa lagu xasuustaa badbaadintii Nabi Muuse (CS) iyo ummaddiisa markii Allah uu ka samatabixiyay Fircoon iyo ciidankiisa, taasoo muujinaysa awoodda iyo naxariista Eebbe.

Nabi Muhammad ﷺ wuxuu nagu booriyay in la soomo maalintan, isagoo sheegay in soonkeedu uu kafaaro-gud u yahay dambiyada sannadkii h**e. Sidaas darteed waa maalin lagu dadaalo cibaado, tawbad iyo xuska Alle, si qalbigu u helo deganaansho iyo ajar badan.

17/06/2026

Hambalyo dhammaan ardayda si guusha leh u soo bandhigay una difaacatay Hindisaha Buuggooda (Thesis Proposal Defense).

Waxaan ku bogaadinaynaa dadaalka, adkaysiga, iyo diyaar-garowga ay muujiyeen intii lagu guda jiray soo-jeedinta cilmi-baaristooda.

Waxaan u rajaynaynaa dhammaan ardayda guul iyo horumar marxaladaha xiga ee cilmi-baaristooda.

17/06/2026

03/06/2026

15 May 1999 waxay ahayd maalin taariikhi ah oo lagu aas-aasay Jaamacadda Xamar oo noqotay hoyga aqoonta, horumarka, iyo hogaaminta bulshada Soomaaliyeed. Muddo 27 sano ah, jaamacaddu waxay si hagar la’aan ah ugu adeegaysay bulshada iyada oo soo saartay kumanaan aqoonyahan iyo xirfadlayaal ka qeyb qaatay dhismaha dalka.

Jaamacadda Xamar waxay ku suntan tahay tayo waxbarasho, kobcinta cilmi-baarista, iyo diyaarinta jiil leh aqoon iyo akhlaaq suuban. Tan iyo sanadkii 1999, jaamacaddu waxay ahayd xarun horseed u ah horumarka waxbarashada sare ee Soomaaliya.

27 sano oo adeeg qaran ah waxay ka dhigan tahay dadaal joogto ah, guulo waa weyn, iyo himilooyin rumooway.

Maamulka, macallimiinta, ardayda, iyo alumni-da Jaamacadda Xamar waxay wadaagaan sharaf iyo sooyaal qiimo badan oo ku dhisan aqoon iyo waddaniyad.

Maanta waxaan u dabaaldegaynaa sanad-guurada 27-aad ee Jaamacadda Xamar, anagoo xusuusanayna halgankii iyo guulihii la gaaray.

Hambalyo dhammaan bahda Jaamacadda Xamar — 27 sano oo adeeg ah oo loo huray qaranka iyo bulshada Soomaaliyeed.

26/05/2026

Gudoomiyaha Jaamacadda Xamar Prof. Abdullahi Sheikh Nor Mohamed wuxuu hambalyada Ciidul Adxaa la wadaagayaa guud ahaan ummadda muslimiinta, gaar ahaana ummadda Soomaaliyeed meel kastoo ay dunida ka joogaan.

Gudoomiyahu wuxuu ummadda u rajeeyey inay ku ciidaan farxad, sanadkaan sanadkiisana uu Eebe nagu gaarsiiyo nabad iyo caafimaad, cimri-dheer iyo cibaado suuban, bash bash iyo barwaaqo.

Gudoomiyuhu wuxuu ku boorinayaa inta Alle wax siiyey in ay garab istaagaan, caawiyaan inta aan wax haysan iyo agoonta si farxadda ciidda loo wada wadaago.

Alle ha inaga wada aqbalo acmaasha suuban ee aan la nimid.

13/05/2026

Waxaa maanta si rasmi ah ardayda Part-Time u bilaawday Imtixaanka Final-ka Semester-ka.

Maamulka Jaamacaddu wuxuu u rajeynayaa dhammaan ardayda guul, dadaal iyo natiijooyin wanaagsan.
Ardayda waxaa lagu boorinayaa inay ilaaliyaan jadwalka imtixaanka iyo anshaxa goobta imtixaanka.

Guul dhammaan ardayda Jaamacadda Xamar.

06/05/2026

𝐖𝐀𝐑𝐆𝐄𝐋𝐈𝐍 𝐌𝐔𝐇𝐈𝐈𝐌 𝐀𝐇

Dhammaan ardayda Jaamacadda waxaa lagu wargelinayaa in Imtixaanka Final Exam-ka uu si rasmi ah u bilaaban doono sida hoos ku qoran:

𝐏𝐚𝐫𝐭-𝐓𝐢𝐦𝐞: 𝟏𝟑-𝟎𝟓-𝟐𝟎𝟐𝟔
𝐅𝐮𝐥𝐥-𝐓𝐢𝐦𝐞: 𝟏𝟔-𝟎𝟓-𝟐𝟎𝟐𝟔

Dhammaan ardayda waxaa laga codsanayaa inay si wanaagsan ugu diyaar garoobaan imtixaanka, isla markaana ilaaliyaan jadwalka la cayimay.

17/04/2026

Waxaa maanta Xarunta Jaamacadda lagu qabtay siminaar muhiim ah oo lagu horumarinayo aqoonta ardayda, kaas oo diiradda lagu saaray hoggaaminta iyo maareynta waqtiga. Siminaarkan waxaa soo qabanqaabiyay Midowga Ardayda Jaamacadda Xamar (UHUS), waxaana si hufan u qabtay Ustaad Xuseen Maxamed Xuseen.

Siminaarka waxaa si gaar ah loogu talagalay ardayda Jaamacadda, iyadoo lagu soo bandhigay farsamooyin casri ah oo ku saabsan hoggaaminta wax ku oolka ah iyo sida waqtiga si habsami leh loo maareeyo, si loo gaaro guul shaqsiyeed iyo mid xirfadeed. Intii uu socday tababarku, ardaydu waxay heleen aqoon iyo waayo-aragnimo ka caawinaysa inay si wanaagsan u qorsheeyaan hawlahooda maalinlaha ah, isla markaana ay u horumariyaan xirfadaha hoggaamineed.

Sidoo kale, waxaa si qoto dheer looga hadlay muhiimadda qorsheynta, kala hormarinta hawlaha, iyo qaadashada go’aanno sax ah. Ardayda waxaa lagu dhiirrigeliyay inay yeeshaan himilo sare iyo aragti fog, si ay u noqdaan hoggaamiyeyaal wax ku ool ah mustaqbalka.

Ugu dambeyn, siminaarkani wuxuu ahaa mid si heer sare ah loo soo agaasimay, kana tagay saameyn togan oo dhiirrigelin leh. Wuxuu sare u qaaday kalsoonida ardayda, wuxuuna ku booriyay inay noqdaan dad leh himilo cad iyo qorshe nololeed oo dhisan.