Farg'ona jamoat salomatligi tibbiyot instituti

Farg'ona jamoat salomatligi tibbiyot instituti Oliy ta'lim

25/04/2026

Klinikamizda xalqaro darajadagi nefrolog ishtirokida bepul tibbiy ko‘rik muvaffaqiyatli o‘tkazildi.

📍Bugun Farg‘ona jamoat salomatligi tibbiyot instituti ko‘p tarmoqli klinikasida nefrologiya yo‘nalishida katta tajribaga ega xorijiy mutaxassis — Dr. L.K. Tripathi ishtirokida aholi uchun bepul tibbiy ko‘rik tashkil etildi. Ushbu tibbiy aksiya doirasida 100 nafarga yaqin bemor chuqurlashtirilgan tekshiruvdan o‘tkazilib, har bir murojaatchining sog‘ligi individual yondashuv asosida baholandi hamda aniq tashxis qo‘yish va davolash bo‘yicha zarur tavsiyalar berildi.

➡️Ko‘rik davomida buyrak kasalliklari, arterial gipertenziya, shish (ödem) sindromlari, siydik tizimi bilan bog‘liq muammolar hamda surunkali buyrak yetishmovchiligi kabi dolzarb yo‘nalishlar atroflicha o‘rganildi. Mutaxassis tomonidan ayniqsa kasalliklarni erta aniqlash va profilaktikaning ahamiyati alohida ta’kidlanib, bemorlarga sog‘lom turmush tarzini shakllantirish, suyuqlik iste’molini me’yorida ushlash, qon bosimini nazorat qilish hamda buyrak faoliyatini muntazam tekshirtirib borish bo‘yicha aniq tavsiyalar berildi.

✔️20 yildan ortiq tajribaga ega bo‘lgan Dr. L.K. Tripathi o‘z faoliyati davomida 250 000 dan ortiq gemodializ jarayonlarini muvaffaqiyatli boshqargan, murakkab va yuqori xavfli buyrak transplantatsiyalarini amalga oshirgan hamda Hindiston va boshqa davlatlarda nefrologiya markazlarini tashkil etgan. U “Lifetime Achievement Award” hamda bir qator xalqaro mukofotlar sohibi bo‘lib, World Book of Records tomonidan COVID-19 pandemiyasi davridagi xizmatlari uchun e’tirof etilgan. Shuningdek, u xalqaro nefrologiya jamiyatlarida faol a’zo sifatida faoliyat yuritib, 10 yildan ortiq vaqt davomida shifokorlar va talabalarni tayyorlab kelmoqda.

⌛Mazkur tashrif nafaqat bemorlar uchun yuqori malakali tibbiy xizmatdan bepul foydalanish imkonini yaratdi, balki institutning yosh shifokorlari, klinik ordinatorlari va talabalari uchun ham muhim amaliy tajriba maktabi bo‘lib xizmat qildi.

➕Bunday tashabbuslar aholi salomatligini mustahkamlash, kasalliklarni erta aniqlash va zamonaviy tibbiy yondashuvlarni hududlarda keng joriy etishda muhim ahamiyat kasb etadi.

📹Batafsil videolavhada tomosha qiling!

©FJSTI Matbuot xizmati:
⚡️

22/04/2026



➕Murakkab jarrohlik amaliyotlarini ishonch bilan bajarayotgan klinik ordinatorimiz haqida…

✅Institutimizda yaratilgan zamonaviy sharoitlar hamda boy tajribaga ega ustozlar maktabi yosh mutaxassislarning haqiqiy professional sifatida shakllanishida muhim o‘rin tutmoqda.

✅Ana shunday intiluvchan va fidoyi yoshlardan biri klinik ordinatura 2-bosqich talabasi Nizomiddin Muxsinov.

✔️U bugun nafaqat bilim, balki amaliy ko‘nikmalar orqali ham o‘zini namoyon etmoqda.

📹Batafsil videolavhada.

©FJSTI Matbuot xizmati:
⚡️

17/04/2026

Ko‘p tarmoqli klinikamiz bugun…

➕Farg‘ona jamoat salomatligi tibbiyot institutining ko‘p tarmoqli klinikasida bugungi k***a 60 nafardan ortiq bemorlar statsionar sharoitda malakali shifokorlar nazorati ostida davolanmoqda.

📌Shu bilan birga, klinikamizda aholimiz uchun keng ko‘lamli, zamonaviy va ishonchli tibbiy xizmatlar yo‘lga qo‘yilgan bo‘lib, har bir murojaatchiga individual yondashuv asosida xizmat ko‘rsatilmoqda.

🖥Eng ilg‘or diagnostika uskunalari hamda Smart-AI texnologiyalari joriy etilgani tufayli tashxis qo‘yish aniqligi va davolash samaradorligi yangi bosqichga ko‘tarildi.

🟢Qulay sharoitlar, e’tiborli tibbiyot xodimlari va zamonaviy yondashuv — bularning barchasi bemorlarimiz uchun sog‘lom hayot sari ishonchli qadamdir.

©FJSTI Matbuot xizmati:
⚡️

10/04/2026

Ko‘p tarmoqli zamonaviy klinikamiz siz uchun xizmatda!

Sog‘lig‘ingizni ishonchli mutaxassislarga topshirmoqchimisiz? Endi shifokor qabuliga yozilish va kirish tartibi juda qulay va oson!

🏥Klinikamizda:
✅Tajribali va malakali shifokorlar;
✅Zamonaviy tibbiy uskunalar;
✅Tezkor va sifatli xizmat;
✅Qulay navbat tizimi.

➕Shifokor qabuliga qanday kiriladi?
Barcha bosqichlar, ro‘yxatdan o‘tish tartibi va kerakli ma’lumotlarni ushbu videolavhada batafsil ko‘rsatib berdik.

🎥Batafsil videoni tomosha qiling va o‘zingiz uchun eng qulay yo‘lni tanlang!

©FJSTI Matbuot xizmati:
⚡️

09/04/2026

Viloyat hokimi zamonaviy ko’rinishga ega smart-AI klinikamizda.

✅Bugun Farg‘ona viloyati hokimi Xayrullo Bozorov Yoshlar kuni tadbirlari doirasida Farg‘ona jamoat salomatligi tibbiyot institutining yaqinda foydalanishga topshirilgan ko‘p tarmoqli klinikasida bo‘ldi.

Tashrif davomida viloyat rahbari klinikada yaratilgan zamonaviy infratuzilma, ilg‘or tibbiy uskunalar, diagnostika va davolash imkoniyatlari bilan yaqindan tanishdi. Mazkur klinika nafaqat aholiga sifatli tibbiy xizmat ko‘rsatish, balki talabalar uchun amaliy ko‘nikmalarni mustahkamlashga xizmat qiladigan muhim o‘quv-amaliy baza sifatida ham alohida ahamiyat kasb etadi.

H.Bozorov klinika faoliyati bilan tanishar ekan, bu kabi zamonaviy maskanlar sog‘liqni saqlash tizimini rivojlantirish, yosh mutaxassislarni tayyorlash va aholiga ko‘rsatilayotgan tibbiy xizmat sifatini oshirishda muhim o‘rin tutishini ta’kidladi.

🔴Shuningdek, tashrif davomida institut talabalari bilan samimiy va ochiq muloqot tashkil etildi. Xayrullo Bozorov yoshlarning bilim olishga bo‘lgan intilishi, zamonaviy tibbiyot sirlarini puxta egallashga qaratilgan harakatlarini e’tirof etib, ularga kelgusidagi faoliyatlarida muvaffaqiyatlar tiladi. Talabalar tomonidan bildirilgan fikr va takliflar diqqat bilan tinglanib, ularni qo‘llab-quvvatlash borasida zarur choralar ko‘rilishi qayd etildi.

Mazkur tashrif hududda yoshlar siyosatini izchil amalga oshirish, tibbiyot sohasini modernizatsiya qilish hamda ilm-fan va amaliyotni uyg‘unlashtirish yo‘lida olib borilayotgan ishlarning yorqin namunasi bo‘ldi.

©FJSTI Matbuot xizmati:
⚡️

31/03/2026

Ko’p tarmoqli klinikamizda bemorlar uchun o’rnatilgan hamishirani tezroq chaqiradigan smart tizim qanday ishlaydi?!

📹Batafsil videolavhada tomosha qiling.

☎️Hamshiralar bilan tezkor va samarali aloqani ta’minlash maqsadida elektron chaqiruv tizimi — “Nurse Call System” panellari o‘rnatilgan. Mazkur tizim orqali bemorlar zarur paytda birgina tugma yordamida tibbiy xodimlarni chaqirish imkoniyatiga ega.

📇Koridorlarga joylashtirilgan 3–4 ta yirik displey ekranlar orqali barcha murojaatlar real vaqt rejimida kuzatib boriladi. Bu esa navbatchi hamshiralar va shifokorlarning murojaatlarga tezkor javob qaytarishini ta’minlaydi.

🗣Bemor murojaat qilgan zahoti uning palatasi eshigi ustida vizual signal — qizil indikator yonadi. Ushbu signal tibbiyot xodimlariga aniq manzilni ko‘rsatib, xizmat ko‘rsatish jarayonini yanada tez va samarali tashkil etishga yordam beradi

©FJSTI Matbuot xizmati:
⚡️

28/03/2026

Farg‘onada zamonaviy tibbiyotning yangi davri boshlandi!

Farg‘ona jamoat salomatligi tibbiyot instituti tasarrufidagi ko‘p tarmoqli klinikaning tantanali ochilish marosimi ko‘tarinki ruhda bo’lib o’tdi. Ushbu muhim voqea tibbiyot tizimi rivojida muhim burilish nuqtasi sifatida e’tirof etilmoqda.

🟣Tadbirda viloyat va respublika darajasidagi mutasaddilar, Sog‘liqni saqlash vazirligi vakillari, oliy ta’lim muassasalari rahbarlari, professor-o‘qituvchilar, talabalar hamda keng jamoatchilik vakillari ishtirok etmoqda.

✔️Marosimni Sog‘liqni saqlash vazirining birinchi o‘rinbosari Alisher Boboyev hamda Migratsiya agentligi direktori Behzod Musayev kirish nutqlari bilan ochib berib, mazkur klinikaning ahamiyati va istiqbollari haqida alohida to‘xtalib o‘tdilar.

❗️Ta’kidlanganidek, yangi klinika Prezidentimiz tomonidan belgilab berilgan ustuvor vazifalar ijrosi doirasida, Farg‘ona shahridagi 2-son shahar shifoxonasi negizida barpo etildi. Uni bunyod etish uchun institut tomonidan 50 milliard so‘mdan ortiq budjetdan tashqari mablag‘lar safarbar qilindi.

Mazkur klinika o‘zining texnologik imkoniyatlari bilan alohida ajralib turadi. U sun’iy intellekt asosida ishlovchi tizimlar bilan jihozlangan bo‘lib, yurtimizdagi zamonaviy Smart AI klinikalar qatoridan o‘rin oldi.

🔴Klinika tarkibida umumiy terapiya, xirurgiya, anesteziologiya va reanimatsiya, qabul-diagnostika hamda fizioterapiya bo‘limlari faoliyat yuritadi. Bemorlar uchun yaratilgan sharoitlar esa xalqaro standartlarga to‘liq mos: elektron boshqaruvli zamonaviy karavotlar, hamshira chaqiruv tizimi, raqamli monitoring va tezkor signalizatsiya tizimlari joriy etilgan.

➕Xususan, bemor tomonidan murojaat berilishi bilan palata tashqarisida maxsus signal yoqiladi va tibbiyot xodimlari darhol xabardor bo‘ladi. Sanitariya xonalarida o‘rnatilgan SOS tugmalari esa favqulodda vaziyatlarda tezkor yordam ko‘rsatish imkonini yaratadi.

Ushbu maskan — nafaqat yangi bino, balki ilg‘or texnologiyalar, sifatli tibbiy xizmat va inson qadri ustuvor bo‘lgan yangi tizim timsolidir.

©FJSTI Matbuot xizmati:
⚡️

24/03/2026

Kutilgan lahzaga sanoqli kunlar qoldi!

🗓Farg‘ona jamoat salomatligi tibbiyot instituti ko‘p tarmoqli klinikasi ochilishiga 4 kun…

©FJSTI Matbuot xizmati:

Farg’ona jamoat salomatligi tibbiyot instituti rektori, professor Akmal Sidikovning Navro’z bayrami tabrigi.Assalomu ala...
20/03/2026

Farg’ona jamoat salomatligi tibbiyot instituti rektori, professor Akmal Sidikovning Navro’z bayrami tabrigi.

Assalomu alaykum, hurmatli ustozlar, aziz talabalar, qadrli hamkasblar!

Avvalo, siz azizlarni yurtimizga fayz-u baraka, yangilanish va yasharish fasli bo‘lgan, qadimiy va navqiron bayram — Navro‘zi olam bilan chin qalbimdan samimiy muborakbod etaman!

Navro‘z — bu shunchaki bayram emas. U asrlar davomida xalqimiz qalbida yashab kelayotgan, mehr-oqibat, saxovat, bag‘rikenglik va ezgulik timsolidir. Bu ayyom har bir xonadonga quvonch, har bir yurakka umid va har bir qalbga iliqlik olib kiradi.

Ayniqsa, bugungi k***a ilm yo‘lida izlanayotgan, kelajak tibbiyotini bunyod etayotgan siz aziz talabalarimizning shijoati, ustozlarimizning fidoyiligi va butun jamoamizning birligi biz uchun eng katta boylikdir. Sizlarning har biringiz mamlakatimiz sog‘liqni saqlash tizimining ertangi tayanchi, xalqimiz salomatligining ishonchli posbonisiz.

Navro‘zning pok niyatlari va ezgu qadamlari hayotingizga yangi imkoniyatlar, yangi marralar va ulkan zafarlar olib kirsin. Qalbingizdagi orzularingiz ro‘yobga chiqib, qilayotgan har bir mehnatingiz o‘z samarasini bersin.

Farg‘ona jamoat salomatligi tibbiyot instituti jamoasi nomidan barchangizga mustahkam sog‘liq, oilaviy baxt-saodat, xonadonlaringizga fayz-u baraka, ishlaringizga esa omad va rivoj tilayman.

Yurtimiz tinch, osmonimiz musaffo, qalblarimiz esa doimo mehrga to‘la bo‘lsin!

Azizlar, yana bir bor barchangizni Navro‘z bayrami bilan chin yurakdan muborakbod etaman!

Bayramingiz qutlug‘ bo‘lsin!

©FJSTI Matbuot xizmati:
⚡️

11/03/2026

Farg‘ona jamoat salomatligi tibbiyot instituti ko‘p tarmoqli klinikasida “Ochiq eshiklar kuni” bo‘lib o‘tmoqda.

🎓Mazkur tadbir doirasida institutimiz talabalari, professor-o‘qituvchilari hamda xodimlari yangidan barpo etilgan, zamonaviy tibbiy uskunalar bilan jihozlangan klinika faoliyati bilan yaqindan tanishmoqda. Tashrif davomida klinikaning davolash xonalari, diagnostika bo‘limlari hamda bemorlar uchun yaratilgan sharoitlar haqida batafsil ma’lumotlar berilmoqda.

✅“Ochiq eshiklar kuni” tadbiri 20-mart sanasiga qadar davom etadi. Ushbu tashabbus klinikaning imkoniyatlari bilan keng jamoatchilikni tanishtirish, shuningdek talabalar va mutaxassislar uchun amaliy bilimlarni mustahkamlashga xizmat qiladi.

©FJSTI Matbuot xizmati:

31/12/2025

🎄Fargʻona jamoat salomatligi tibbiyot instituti rektori, tibbiyot fanlari doktori, professor Akmal Sidikovning Yangi yil tabrigi.

©FJSTI Matbuot xizmati:

27/11/2025

Farg‘ona tibbiyot institutining yana bir talabasi AQShning STEP 1 sertifikatiga ega bo‘ldi.

🎓Farg‘ona jamoat salomatligi tibbiyot instituti 6-bosqich talabasi Jaloliddin Mo'ysinjonov AQShning USMLE (United States Medical Licensing Examination) dasturi bo‘yicha STEP 1 imtihonini muvaffaqiyatli topshirib, nufuzli xalqaro sertifikatni qo‘lga kiritdi.

Bu natija nafaqat institut, balki Farg‘ona viloyat tibbiyoti tarixida ikkinchi marotaba qayd etilmoqda.

STEP 1 – bu AQShda shifokorlik faoliyatini davom ettirish va u yerdagi tibbiyot oliygohlarida tahsil olish uchun zarur bo‘lgan muhim bosqichlardan biri bo‘lib, ushbu sertifikat Davolash ishi va Pediatriya yo‘nalishlari bo‘yicha beriladi. USMLE STEP imtihonlarini muvaffaqiyatli topshirgan nomzodlar AQShda bepul ishlash va o‘qish, shuningdek, yiliga 1 million dollargacha maosh olish imkoniyatiga ega bo‘lishadi.

©FJSTI Matbuot xizmati:

Address

Fergana
150102

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 14:00

Telephone

+998732430662

Website

Alerts

Be the first to know and let us send you an email when Farg'ona jamoat salomatligi tibbiyot instituti posts news and promotions. Your email address will not be used for any other purpose, and you can unsubscribe at any time.

Contact The University

Send a message to Farg'ona jamoat salomatligi tibbiyot instituti:

Shortcuts

Share

Category