https://www.facebook.com/258946124746314/

Ташкентский институт текстильной и легкой промышленности, Узбекистан, Tashkent (2026)

08/11/2018

#МУСОБАҚА

Жорий йилда Бухоро шаҳрида тош кўтариш бўйича жаҳон чемпионати ўтказилди. Ушбу мусобақада институтимизнинг 4-16 гурух талабаси Хакимжонов Исломбек 90 кг вазн бўйича хар икки қўлда 24 кг тошларни даст кўтариш бўйича 79 маротаба кўтариб ва силтаб кўтариш бўйича 220 маротаба кўтариб жаҳон чемпиони бўлди.

08/11/2018

‘stona_hamkorlik_O‘zbekiston_Italiya

Italiya savdo agentligidan 2018 yil 17 avgustda kelgan rasmiy taklif xati bo‘yicha Italiya Respublikasida “Italian technology award 2018” malaka oshirish dasturida ishtirok etish uchun TTYESI ning xalqaro aloqalar bo‘limi boshlig‘i Nabiev Nabijon Donyorovich hamda institut talabalari Asilova Surayyo Abdusolihovna va Mirzamaxmudova Nigora SHerkamol qizi 2018 yil 4 noyabrdan 11 noyabrgacha bo‘lgan muddatda Italiya Respublikasiga xizmat safariga yuborildi.
Ma’lumot berishlaricha, bizning yurtimizdan tashqari 9 ta davlat Aqsh, Rossiya, Xitoy, Vetnam, Ruminya, Kanada, Eron, Oman ishtirok etmoqda.
Italiyadagi hamkorlarimizni xabar berishlaricha, bu anjuman 10 yildan beri davom etayotganligi ma’lum qilindi. Biznig yurtimiz bu tadbirda birinchi marotaba ishtirok etmoqda. Xususan, institutimizdan 20 ta talaba hujjat topshirgan. Shulardan 2 talabaning ishi eng yaxshi deb ma’qullandi.

06/11/2018

#САФАР
#ҲАМКОРЛИК

Жорий йил Тошкент тўқимачилик ва енгил саноат институти ректори С.Юнусов Корея Республикасига хизмат сафарини уюштирди. Унда Сеул шаҳри (Seul)
“Korea Institute for Advancement of Technology-KIAT” ташкилоти президенти Ёнг-геун Ким (Yong-geun Kim) билан учрашди. Суҳбат жараёнида Тошкент тўқимачилик ва енгил саноат институти қошида ташкил этилаётган тўқимачилик технопарки фаолиятини ташкил этишга эътибор қаратиш керак бўлган асосий масалалар муҳокама қилинди. Шунингдек, бошқариш механизми, молиялаштириш тизими, асосий фаолият турлари ва Технопаркнинг қурилиш ишларини якунлаш ҳамда жиҳозлар билан таъминлаш муддатлари тўғрисида ҳамкор томон маълумот бериб ўтди. Хусусан, тўқимачилик технопаркини бошқарув органи ваколатлари, қўйилган вазифалари ва уларни амалга оширишдаги ишлар ҳамда Корея Республикаси томонидан бириктириладиган ходимлар, уларнинг ваколатлари, вазифалари, илмий тадқиқот ишлари кўлами ва йўналиши, уларни молиялаштириш тизими ҳамда ишлаб чиқариш корхоналари техник ходимларини малакасини ошириш курсларини ташкил этиш бўйича амалга ошириш керак бўлган ишлар назарда тутилди. Жумладан,Тошкент тўқимачилик технопарки лаборатория базасидан фойдаланиб ўқув курсларини ташкил этиш, Тошкент тўқимачилик технопарки базасида мос таълим йўналишлари ва мутахассислар, институтда тахсил олаётган бакалавр ва магистратура талабаларини ўқув машғулотларини ташкил этиш, Тошкент тўқимачилик технопаркининг илмий ва техник ходимларини иш ҳақларини белгилаш ва тўлаш механизми масалалари ҳам кўтарилди.

Куннинг иккинчи ярмида Почеон шаҳри (Pocheon)
“Gyeonggi Textile Materal Center”. технопаркида Тўқимачилик корхоналари учун маҳсулотлар етказиб беришда эътибор қаратиладиган асосий масалалар (технопарк бошқарув тизимини ташкил қилиш),
Кёнги тўқимачилик хом ашё марказининг фаолияти натижалари, марказнинг ишлаш жараёни ва бизнес тизими мавзусида семинар тренинг бўлиб ўтди.
Учрашув давомида ишлаб чиқаришда янги инновацион технологияларни жорий қилиш механизми, тайёр маҳсулотларни реализацияси, талаб-таклифларни ишлаб чиқиш ва автоматик бошкарув тизими ёрдамида хом ашё сифати ва уларнинг логистикаси ҳамда автоматик бошкарув тизими ёрдамида хом ашёни узлуксиз таъминотига эришиш ҳақида фикр-мулоҳазалар билдирилди.

Иккинчи куни Янгжу шаҳри (Yangju).
“Koteri innovation” марказида амалиёт ва тестларни таҳлил қилиш жараёнини ўрганиш мавзусида семинар тренинг уюштирилди.Тренинг давомида Кёнгидо провинцияси тўқимачилик саноатининг ҳолати, Корея тўқимачилик илмий-тадқиқотлар институтининг соҳада олиб бораётган фаолияти ва бизнесни қўллаб-қувватлаш жараёни, текширувлар натижалари ҳақида сўз юритилди.

Шунингдек, шу куни Ансан шаҳри (Ansan).
Корея политехника унверситетига ташриф уюштирилди. Унверситет президенти Хюн Хо Ан (Hyun Ho Anh) билан бўлган учрашув давомида ҳамкорликда фаолият олиб бориш, Тошкент тўқимачилик технопарки базасида янги таълим йўналишлари ва мутахассисликларни ташкил этиш имкониятлари борасида сўз юритилди.
Шу билан бир қаторда қуйидаги масалалар борасида ҳам музокаралар олиб борилди:
• Профессор - ўқитувчиларнинг стажировкалари, алмашинув дастурларини ҳамкорликда ишлаб чиқиш
• Талабалар алмашинуви бўйича ҳамкорлик дастурларини йўлга кўйиш.
• Биргаликда илмий-тадқиқот ишларини ташкил этиш, PhD ва магистратура талабаларини илмий ишларга жалб қилиш, ҳимоя ишларини ҳамкор таълим муассасасида амалга ошириш.

Учинчи куни Дежон шаҳри (Daejeon).
Джунгбу университетига (Joongbu) Ум Санг Хеон (Um, Sang Heon) билан учрашув бўлди.
Ҳамкорликда 2+2 дастури асосида мутахассисларни тайёрлаш бўйича шартнома бандлари муҳокама қилинди. Шу куннинг ўзида шартнома имзолаш маросими бўлиб ўтди.
Университет президенти билан учрашув давомида яна қуйидаги масалалар борасида музокаралар олиб борилди:
• ТТЕСИ базасида Джунгбу университети билан кўшма дастур ишлаб чиқиш, университетнинг марказини ташкил қилиш ва унинг асосида устувор таълим йўналишлар бўйича кадрларни тайёрлашни ташкил этиш.
• Талабалар ва профессор ўқитувчилар алмашинув дастурларини янада ривожлантириш, амалга ошириладиган ишлар механизмини шакллантириш ҳақида суҳбат қурилди.

02/11/2018

Юртимиз қадимдан илму маърифат маркази, тамаддун чорраҳаси бўлиб келган. Ушбу табаррук заминдан дунёга илму ирфон зиёсини таратган буюк алломалар, мутафаккирлар етишиб чиққан. Улар илм-фаннинг кўплаб жабҳаларига асос солиб, жаҳон тамаддунининг шонли маёғи бўлиб келган. Бугунги кунда ҳам бу анъана барча соҳаларда давом этиб келмоқда. Ёшларимиз учун яратиб берилаётган имкониятлар, шарт-шароитлар муҳайё. Хусусан, ТТЕСИ бугун таълим соҳасини ривожлантириш учун мактаб ўқувчилари билан маънавий-маърифий туркум тадбир ва семинарлар ўтказиб келмоқда. Куни кеча навбатдаги тадбир Тошкент вилояти Зангиота тумани 29 мактабда ўтказилди. Тадбирни ТТЕСИ илмий ишлар ва инновациялар бўйича проректор А.Э.Гуламов ўзларининг қизиқарли маълумотлари билан институтнинг бугунги кундаги нуфузи ҳамда халқаро ҳамкорлар орқали олиб борилаётган амалий ишлар тўғрисида фикр алмашиб ўтди. Тадбирда мактаб директори, фан ўқитувчилари ва юқори синф ўқувчилари иштирок этишди. Анжуман сўнгида ўқувчилар мавзу бўйича ўзларини қизиқтирган саволлари билан қатнашишди. Дарҳақиқат, бугунги ёшларимиздан илм олиш учун астойдил ихлос, жудду жаҳд ва асосийси қизиқиш талаб этилмоқда. Қизиқарли ўтган тадбир давра суҳбатига айланиб кетди.

02/11/2018

Бугунги кунда барча соҳалар ривожига қаратилаётган эътибор ва имкониятлар, шарт-шароитлар жадаллик билан олиб борилмоқда. Айниқса, таълим соҳасида янги инновациялар, ёшларни илм-фанга янада қизиқтириш, китобхонлик билан кўпроқ мулоқот қилиш ҳамда давра суҳбатлари, тадбирлар, семинар тренинглар ўтказилмоқда. Бугун мактаб партасида таълим-тарбия олаётган ўқувчиларнинг бир қисми эртага турли касб-ҳунарларни эгалласа, илмга интилган иқтидорли, истеъдодли ёшлар олий таълим муассасаларида ўқишни давом эттирадилар. Хусусан, мактаб ўқувчиларида илм олишга бўлган қизиқишни янада ошириш мақсадида Тошкент тўқимачилик ва енгил саноат институтида маънавий-маърифий тадбирлар ўтказиш йўлга қўйилган.
Навбатдаги ана шундай тадбир Тошкент вилояти Зангиота тумани 28 мактаб ўқувчилари билан тажриба алмашиш мақсадида куни кеча ТТЕСИга экскурсия қилиш учун ташриф буюришди. Тадбирни ТТЕСИ ўқув ишлари бўйича проректор Х.Ҳ.Камилова ижтимоий-маънавий муҳитни янада соғломлаштириш мақсадида “Мен шу азиз Ватан фарзандиман” шиори остида туркум маънавий-маърифий тадбирни ўтказди. Унда институтда бўлаётган янгиликлар, техник жиҳозлар ва бу маиший техник анжомларнинг амалиётда ишлаш жараёни мактаб ўқувчиларига кўрсатиб ўтилди. Анжуманга 28 мактаб маънавий-маърифий ишлар бўйича директор ўринбосари, ёшлар иттифоқи етакчиси, ўқитувчилар ва 7-8-9-10синф ўқувчилари иштирок этди. Тадбир жараёни ўқувчиларда ижобий таассурот қолдирди ҳамда юқори кайфиятда якунланди.

31/10/2018

Институтнинг Хитой Халқ Республикаси Ухан тўқимачилик университети билан 2017 йил 11 май ойида имзоланган ҳамкорлик шартномасига асосан институт битирувчилари Аллабердиев Шарофиддин Сайфиддинович, Исмоилов Ҳусниддин Насриддинович, Саттарова Фароғат Исломиддин қизи ва Артикбоева Роза Мақсуджоноваларни 2 йиллик магистратура дастурида таълим олиш мақсадида Ухан тўқимачилик университетига юборилди. Ҳозирда улар Хитойга етиб бориб, ўқишни бошлаб юборишди.
Ушбу дастур асосида 2017 йил хам 5 нафар битирувчи ўқишга юборилган эди. Улар 1 босқични аъло баҳоларга якунлашди ва ҳозирда ўқишни давом эттиришмоқда.

31/10/2018

– UZ CAPITALга мурожаат қилинг!

Маълумки, инвестицияларни жалб этиш орқали иқтисодиёт тармоқларини ривожлантириш ва модернизациялаш – молия бозорининг келгусидаги истиқболини таъминлайди. Юртимиз иқтисодиётига тўғридан-тўғри хорижий сармояларни киритиш, ва хусусий ташкилотларнинг инвестициявий стратегиясини ишлаб чиқиш бугунги кунда долзарб масалалардан бири бўлмоқда. Шуни инобатга олган ҳолда, “UZ CAPITAL” инвестицион компанияси директори А. А. Халиков ТТЕСИ маданият саройида талабалар учун семинар тренинг ўтказди. Тренингда бугунги молия бозорининг хусусиятлари, унинг равнақ топишига керакли шарт-шароит ва имконият қилиб бериш ҳамда мулкдор бўлиш ҳақида қизиқарли суҳбат ва фикр-мулоҳазалар билдириб ўтилди. Шунингдек, иқтисодиёт соҳасининг бўлажак мутахассисларининг билим салоҳиятини кенгайтириш мақсадида “крипто-биржалар ва крипто-активлар айланмаси”, иқтисодиёт секторларига кириб бораётган “блокчейн технологиялари”, “трайдерлик фаолияти” каби мавзулар ўртага ташланди. Семинар тренинг сўнгида талабалар ўзлари қизиқтирган саволлар билан мурожаат қилишди. Давра суҳбати юқори кайфиятда якунланди.

30/10/2018

#Эълон

27/10/2018

INSTITUT – MAHALLA – OTA-ONA – MURABBIY TIZIMI AMALDA
27 oktyabr kuni Toshkent to‘qimachilik va yengil sanoat instituti “To‘qimachilik sanoati texnologiyasi” fakultetida ota – onalar yig‘ilishi bo‘lib o‘tdi. Ushbu tadbirda fakultet dekani K.Avazov, dekan o‘rinbosarlari J.Arabov, O.Abdullayev, fakultet ota – onalar kengashi raisi J.Muxtorov, fakultet murabbiylar kengashi raisi D.Nazarova, fakultet xotin – qizlar qo‘mitasi raisi X.Abdunosirova hamda ota – onalar ishtirok etdi. Tadbirda fakultet dekani so‘zga chiqib, institut hamda fakultet miqiyosida amalga oshirilayotgan ishlar to‘g‘risida ota – onalarga ma’lumotlar berib o‘tdi. Anjuman davomida dekan o‘rinbosari O.Abdullayev so‘zga chiqib, fakultet tarkibi haqida qisqacha ma’lumot berib, fakultetda tahsil olayotgan talabalarning darslarni o‘zlashtirishi, fakultet tasarrufidagi kafedralar, ularning faoliyati hamda fakultetda yaratilgan shart – sharoitlar to‘g‘risida ma’lumotlar berib o‘tdi.

27/10/2018

Куни кеча Тошкент тўқимачилик ва енгил саноат институти ўқув ишлари бўйича проректор Х.Ҳ.Камилова ҳамда ўқитувчи Ғ.А.Розиқовлар томонидан Зангиота тумани 28-сонли умумий ўрта таълим мактабида ижтимоий-маънавий муҳитни янада соғломлаштириш мақсадида “Мен шу азиз Ватан фарзандиман” шиори остида маънавий-маърифий тадбир ўтказилди. Тадбирда мактаб директори, маънавий-маърифий ишлар бўйича директор ўринбосари, ўқитувчилар ва ўқувчилар иштирок этишди. Унда 8-9-10-синфлар билан “Оила ва ҳаёт” ҳамда “Мен севган касб”мавзуларида суҳбат бўлди. Тадбир музокарали ва кўтаринки рухда ўтди. Ушбу тадбирда ўқувчилар ўзларини қизиқтирган саволларига жавоблар олишди.

27/10/2018

‘quvchilar_nigohida

Umumta’lim maktablarida ta’lim olayotgan o‘quvchi-yoshlarni kasb-hunarga bo‘lgan qiziqishini rag‘batlantirish, ularning kasb tanlashiga ko‘maklashish maqsadida 27 oktyabr kuni Toshkent to‘qimachilik va yengil sanoat instituti moliya va iqtisod masalalari bo‘yicha prorektori M. Xudoyqulov Toshkent viloyati Zangiota tumanidagi 30-umumta’lim maktabida bo‘lib, maktab o‘quvchilari bilan ochiq muloqot o‘tkazildi.
Tadbirni maktab direktori kirish so‘zi bilan ochib berdi va o‘quvchilarga mehmonni tanishtirdi. Shundan so‘ng TTYESI prorektori M.Xudoyqulov so‘zga chiqib, Toshkent to‘qimachilik va yengil sanoat institutida tayyorlanayotgan mutaxassisliklar, talabalarning o‘qish va undan tashqari erishayotgan muvaffaqiyatlari, institut hayotiga oid yangiliklar bilan tanishtirdi.
Muloqot davomida o‘quvchilar tomonidan berilgan savollarga M. Xudoyqulov batafsil javob berdi. Tadbir so‘nggida maktab ma’muriyati tomonidan mehmonga minnatdorchilik bildirildi.

25/10/2018

Cоғлом турмуш тарзини тарғиб қилиш мақсадида Тошкент тўқимачилик ва енгил саноат институтида кенгайтирилган йиғилиш ўтказилди. Унда институт ректори С. Юнусов томонидан давра суҳбати ташкил этилди. Бу тадбирда барча институт проректорлар, факультет деканлари ҳамда гуруҳ мураббийлари иштирок этди.

Ташкентский институт текстильной и легкой промышленности

08/11/2018

08/11/2018

06/11/2018

02/11/2018

02/11/2018

31/10/2018

31/10/2018

30/10/2018

27/10/2018

27/10/2018

27/10/2018

25/10/2018

Address

Website

Alerts

Shortcuts

Share

Category