What are the opening hours?

Monday 7am - 6pm Tuesday 7am - 6pm Wednesday 7am - 6pm Thursday 7am - 6pm Friday 7am - 6pm

BSAU University Student Council

Home
Philippines
San Ildefonso
BSAU University Student Council

Directions Website Contact the university

The University Student Council (USC) is the premier student governing body at BSAU. The Highest Governing Student Body of BASC

Committed to representing and advocating for the welfare of the student body, the USC serves as a bridge between students, faculty, and administration.

31/10/2026

[ MEETING HIGHLIGHTS ]

Ang isang makabuluhang pagdiriwang ay nagsisimula sa pagkakaisa, maayos na pagpaplano, at sama-samang pagkilos!

Sa pangunguna ng University Student Council (USC), pinangunahan ni Hon. Jairus Jireh DC. Sayson, kasama ang mga Local Student Council (LSC), ang pagpupulong na ginanap noong October 29, 2026, sa USC Office, Student Center, bilang paghahanda para sa nalalapit na PASKUHAN 2026.

Tinalakay sa pagpupulong ang mga paghahanda at pagpaplano, mga panukalang aktibidad at programa, pagtatalaga ng mga gawain at responsibilidad, at koordinasyon sa pagitan ng USC at LSC upang matiyak ang maayos at matagumpay na pagsasagawa ng pagdiriwang.

Higit pa sa paghahanda para sa isang selebrasyon, layunin ng pagpupulong na palakasin ang pagkakaisa, komunikasyon, at pagtutulungan ng bawat konseho upang makapaghatid ng isang makabuluhan at masayang pagdiriwang para sa buong komunidad ng BASC.

Sa PASKUHAN 2026, ang bawat ideya, ambag, at sama-samang pagkilos ay mahalagang bahagi ng pagbuo ng isang pagdiriwang na puno ng saya at diwa ng paglilingkod.

Sama-samang magplano, magkaisa, at maghatid ng isang PASKUHAN na hindi malilimutan!

31/10/2026

PADAYON, BASCIANS!

Dalawang linggo na lamang bago matapos ang klase, ngunit hindi pa rito nagtatapos ang laban ng bawat BASCian!

Sa sunod-sunod na presentasyon, thesis defense, proyekto, performance tasks, at mga pagsusulit bago ang final examinations, muling masusubok ang sipag, tiyaga, at determinasyon ng bawat mag-aaral.

Sa kabila ng puyat, pagod, at samu't saring akademikong hamon, patuloy nating patunayan na kaya nating tapusin ang semestreng ito nang buong husay at may pagmamalaki.

Malayo na ang narating, at kaunti na lamang ang tatahakin. Kaya kapit lang, mga Iskolar ng Bayan! Nawa'y maging matagumpay ang lahat ng inyong pinaghirapan.

30/10/2026

[ IN PHOTOS ]

Hindi lamang ani ang hatid ng agrikultura, kundi pag-asa, malasakit, at tulong para sa bawat pamayanan!

Sa pangunguna ng Bulacan Agricultural State College (BASC), sa pamamagitan ng Palayamanan Research and Development Center, katuwang ang Food Innovation Center (FIC), opisyal na inilunsad ang Project AGRI-LIFELINE sa ilalim ng programang Lingkod Alalay sa Pamayanan (LINGAP) Pantry ngayong October 29, 2026.

Layunin ng inisyatibong ito na maghatid ng kinakailangang tulong, suporta, at malasakit sa mga tricycle driver na apektado ng pagtaas ng presyo ng gasolina, mga pamilyang naapektuhan ng pagbaha, at mga magsasakang nahaharap sa hamon sa kanilang kabuhayan dulot ng masasamang kondisyon ng panahon.

Higit pa sa simpleng pamamahagi ng pagkain, isinusulong ng proyektong ito ang food security, community resilience, at self-reliance sa pamamagitan ng agham, agrikultura, at sama-samang pagkilos.

Sa PAYAMANAN, ang tunay na pag-unlad ay hindi lamang nasusukat sa dami ng ating ani, kundi sa kung paano natin ito naibabahagi sa mga nangangailangan.

Sama-samang magtanim ng pag-asa, magbahagi ng biyaya, at magtaguyod ng mas matatag na pamayanan!

29/10/2026

𝗦𝗘𝗡𝗔𝗧𝗘 𝗥𝗘𝗦𝗢𝗟𝗨𝗧𝗜𝗢𝗡 𝗡𝗢. 𝟮𝟬𝟮𝟲-𝟭𝟭

𝗔 𝗥𝗘𝗦𝗢𝗟𝗨𝗧𝗜𝗢𝗡 𝗜𝗠𝗣𝗢𝗦𝗜𝗡𝗚 𝗦𝗔𝗡𝗖𝗧𝗜𝗢𝗡𝗦 𝗢𝗡 𝗟𝗢𝗖𝗔𝗟 𝗦𝗧𝗨𝗗𝗘𝗡𝗧 𝗖𝗢𝗨𝗡𝗖𝗜𝗟𝗦 𝗔𝗡𝗗 𝗦𝗧𝗨𝗗𝗘𝗡𝗧 𝗢𝗥𝗚𝗔𝗡𝗜𝗭𝗔𝗧𝗜𝗢𝗡 𝗧𝗛𝗔𝗧 𝗪𝗜𝗟𝗟 𝗙𝗔𝗜𝗟 𝗧𝗢 𝗦𝗨𝗕𝗠𝗜𝗧 𝗧𝗛𝗘 𝗥𝗘𝗤𝗨𝗜𝗥𝗘𝗗 𝗗𝗢𝗖𝗨𝗠𝗘𝗡𝗧𝗦 𝗢𝗡 𝗨𝗡𝗜𝗩𝗘𝗥𝗦𝗜𝗧𝗬 𝗦𝗧𝗨𝗗𝗘𝗡𝗧 𝗖𝗢𝗨𝗡𝗖𝗜𝗟

Sa nalalapit na Auditing Session ng University Student Council - The Student Senate together with USC Auditor, Tinitiyak na ang pera ng mga iskolar ng bayan ng pamantasan ay nagagamit sa tama at para sa sangka estudyantehan.

Ang Student Senate ay gustong tiyakin na lahat ng pera na nakokolekta ng bawat Institute at Colleges ay nagagamit sa tama at para sa Pamantasan.

Sa resolution na ito, matitiyak na ang mga Local student council at Student organizations ay handa maging transparent, accountable, at bukas sa lahat ng nagagamit na pera ng mga iskolar ng bayan.

Para sa Pamantasan, Para sa mga Iskolar ng bayan ✊

SENATE RESOLUTION NO. 2026-11 COPY:
https://tinyurl.com/mrxehpku
https://tinyurl.com/mrxehpku
https://tinyurl.com/mrxehpku

29/10/2026

[ MEETING HIGHLIGHTS ]

Noong Oktubre 28, 2026, nagsagawa ang Office of the Vice President for Administration and Finance (VPAF), sa pangunguna ni Dr. Ronald Reagan T. Alonzo, ng isang pagpupulong-konsultasyon kasama ang University Student Council (USC) upang talakayin at suriin ang kasalukuyang kalagayang pinansiyal ng konseho.

Dinaluhan ito ng USC President at mga kinatawan mula sa Financial Department at Communication Department. Pangunahing layunin ng pagpupulong na konsultahin ang konseho hinggil sa kalagayan ng mga pondo nito, talakayin ang mga usaping may kaugnayan sa pamamahalang pinansiyal, at matukoy ang mga kinakailangang hakbang upang mapalakas ang transparency, accountability, at wastong paggamit ng mga pondong nakalaan para sa mga programa at serbisyo ng mga mag-aaral.

Sa pamamagitan ng konsultasyong ito, layunin ng VPAF na maitaguyod ang mas maayos na koordinasyon at responsableng pamamahala sa pananalapi ng USC, nang sa gayon ay matiyak na ang mga pinansiyal na desisyon ng konseho ay naaayon sa pangangailangan at kapakanan ng mga estudyante.

28/10/2026

[ IN PHOTOS ]

Matagumpay na isinagawa noong ika-26 ng Oktubre 2026 sa Old IAS building, AS Extension ng Bulacan Agricultural State College ang pagpupulong ng University Student Council (USC) kasama ang mga Local Student Councils (LSC) at Student Organizations (SO), sa pangunguna ng Pangulo ng USC.

Tinalakay sa pagpupulong ang mahahalagang usapin tungkol sa pangangalaga sa kalinisan at kaayusan ng kapaligiran ng BASC, gayundin ang pagpapalawak ng kamalayan ng mga organisasyon tungkol sa wastong pamamahala ng basura at kahandaan sa mga sakuna.

Kabilang sa mga pangunahing paksang tinalakay ni Mr. Rommel V. Eguia ang Comprehensive Solid Waste Management sa BASC, ang “BASC WALASTIK: Ayaw sa Plastic,” at ang kahalagahan ng pagsasagawa ng mga fire drill, search and rescue, first aid drill, at earthquake drill upang mapalakas ang kahandaan at kaligtasan ng buong komunidad ng dalubhasaan.

Sa pamamagitan ng mga talakayang ito, muling binigyang-diin ang mahalagang papel ng bawat student leader at organisasyon sa pagsusulong ng responsableng pangangalaga sa kalikasan, wastong pamamahala ng basura, at kahandaan sa oras ng sakuna.

Sa sama-samang pagkilos at pakikiisa ng mga konseho at organisasyon, patuloy na isinusulong ang isang mas malinis, makakalikasan, at ligtas na BASC—isang komunidad na may disiplina, malasakit, at pananagutan para sa kapakanan ng lahat.

28/10/2026

Maligayang Kaarawan, Gov. Margaret!

Malugod na binabati ng University Student Council ang Institute of Veterinary Medicine Local Student Council (IVMLSC), Governor, Margaret Iman, sa pagdiriwang ng iyong kaarawan.

Nawa’y patuloy kang pagpalain ng mabuting kalusugan, tagumpay, at karunungan sa iyong pamumuno. Hangad namin ang iyong patuloy na paglilingkod para sa kapakanan ng ating mga kapwa estudyante.

26/10/2026

na para bang… may paparating?

sabi ko sa sarili ko, wala lang ’to. pero bakit parang may something?

hmmmm...

25/10/2026

Sa gitna ng mga responsibilidad, pagsubok, at tahimik na laban sa araw-araw, mahalagang ipaalala sa ating sarili na hindi natin kailangang maging matatag sa lahat ng pagkakataon.

May mga araw na mabigat ang lahat, may mga pagkakataong nakakapagod magpatuloy, at may mga damdaming mahirap ipahayag. Ngunit tandaan, hindi kahinaan ang mapagod, humingi ng tulong, o amining hindi ka ayos.

Bilang isang komunidad ng mga mag-aaral, patuloy nating itaguyod ang isang kapaligirang may malasakit, pag-unawa, at pakikinig. Maging sandigan tayo ng isa't isa, sapagkat kung minsan, ang simpleng pakikinig at pagdamay ay malaking bagay na para sa isang taong may pinagdaraanan.

Hindi mo kailangang harapin ang lahat nang mag-isa. May mga taong handang makinig, umunawa, at samahan ka.

22/10/2026

[ IN PHOTOS ]

Matagumpay na isinagawa ngayong ika-22 ng Oktubre 2026 sa Honorato Gymnasium ng Bulacan Agricultural State College ang “Pagkakaisa sa Pagkakaiba,” isang programang pinangunahan ng Malayang Hiyas, katuwang ang iba't ibang organisasyong pangmag-aaral.

Naging bahagi ng pagtitipon ang mga makabuluhang talakayan at gawaing naglalayong palawakin ang kamalayan ng mga mag-aaral hinggil sa pagkakapantay-pantay ng kasarian, kalusugang pangkaisipan, at pangangalaga sa kalikasan.

Kabilang sa mga nagbahagi ng mahahalagang kaalaman at pananaw si Hon. Jairus Jireh DC. Sayson, Pangulo ng University Student Council na nakibahagi sa pagsusulong ng mga adbokasiyang nakapaloob sa programa.

Sa pamamagitan ng sama-samang pagkilos ng mga organisasyon at mag-aaral, muling binigyang-diin ng pagtitipon na sa kabila ng pagkakaiba-iba, ang pagkakaisa, paggalang, at malasakit ang nagsisilbing pundasyon ng isang inklusibo, makatao, at makakalikasang dalubhasaan.

Address

Ground Floor
San Ildefonso
3010

Opening Hours

Monday	7am - 6pm
Tuesday	7am - 6pm
Wednesday	7am - 6pm
Thursday	7am - 6pm
Friday	7am - 6pm

Website

http://bsau-usc.com/

Alerts

Be the first to know and let us send you an email when BSAU University Student Council posts news and promotions. Your email address will not be used for any other purpose, and you can unsubscribe at any time.