Instituto de Agroecoloxía e Alimentación

27/10/2026

🍇🌿 Infraestrutura verde para avanzar cara a unha viticultura máis sostible en Galicia

Este xoves, 29 de outubro, o CICA da Universidade da Coruña acollerá a xornada final de presentación dos resultados da zona experimental de Galicia do proxecto ECOSPHEREWINES.

Durante o encontro presentaranse os resultados da investigación desenvolvida no piloto da IGP Betanzos e a estratexia de infraestrutura verde nos viñedos, así como os retos e as oportunidades para avanzar cara a unha viticultura máis sostible e resiliente.

👨‍🔬 David Fernández-Calviño, catedrático da Universidade de Vigo e director do Instituto de Agroecoloxía e Alimentación (IAA), participará na mesa redonda «Estado actual e perspectivas futuras da investigación en viñedos e infraestrutura verde en Galicia: retos, transferencia de coñecemento e oportunidades de colaboración», como coordinador do Atlantic experimental site do proxecto BIOservicES. No debate tamén intervirán representantes do CSIC, das universidades de Santiago de Compostela e da Coruña e da adega Paco & Lola (D. O. Rías Baixas).

📍 CICA · Campus de Elviña, A Coruña
📅 Xoves, 29 de outubro
🕘 De 9:45 a 18:30 h

22/10/2026

🌱 O IAA destaca nos premios da VIII edición do Campus Auga

O persoal do Instituto de Agroecoloxía e Alimentación (IAA) da Universidade de Vigo obtivo recoñecementos en diferentes modalidades destes premios, con traballos relacionados coa fertilidade e a calidade dos solos, o aproveitamento de recursos mariños, a innovación alimentaria e a sustentabilidade dos sistemas agrícolas.

🔬 Os premios tamén recoñecen iniciativas de transferencia ao sector produtivo e de divulgación científica, nas que participa persoal dos grupos BV1, TEZE, Bio2Val, GISA, EQ4 e Food & Health Omics.

👏 Parabéns a todas as persoas premiadas e aos equipos que fixeron posibles estes traballos!

21/10/2026

🔬 O IAA destaca no ranking Stanford 2026 de investigadores máis citados

A Universidade de Vigo conta con 19 investigadores no Top 2 % e 11 no Top 1 % nas áreas de alimentación e agricultura, segundo os datos de referencia de 2025 do ranking Stanford.

🌱 O Instituto de Agroecoloxía e Alimentación contribúe a estes resultados con:

📊 13 investigadores no Top 2 %, dos 19 da UVigo.
📊 7 investigadores no Top 1 %, dos 11 da UVigo.

Estes datos poñen de relevo a contribución do persoal investigador do IAA á actividade científica da Universidade de Vigo nestas áreas.

🔗 Máis información na web do IAA

20/10/2026

🌱 BioCordelia: fertilizantes máis sostibles a partir de recursos naturais

Como podemos reducir o uso de recubrimentos plásticos nos fertilizantes de liberación controlada? 🌿

O grupo BV1 da Universidade de Vigo, a través das investigadoras Paula Pérez Rodríguez e Claudia Campillo Cora, participa no proxecto europeo BioCordelia, que investiga novos materiais biodegradables elaborados a partir de subprodutos agrícolas e forestais.

🔬 O obxectivo é regular a liberación de nutrientes e avanzar cara a unha fertilización máis sostible, aproveitando recursos que doutro xeito poderían descartarse.

♻️ Ciencia, economía circular e innovación ao servizo dunha agricultura máis sostible.

🔗 Máis información:
🌐 iaa.uvigo.gal
🌐 bv1.webs.uvigo.es

19/10/2026

🌱 Como inflúe o manexo do solo na súa biodiversidade?

Os investigadores da UVigo Andrés Rodríguez Seijo e Virginia Sánchez Navarro participaron na reunión anual do proxecto europeo BIOservicES, celebrada en Zaragoza do 29 de setembro ao 1 de outubro.

🔬 O encontro permitiu compartir resultados sobre os organismos que habitan o solo, avanzar na avaliación dos servizos ecosistémicos e coñecer experiencias de xestión agrícola e restauración de terreos.

A través do grupo BV1, o Instituto de Agroecoloxía e Alimentación (IAA) da UVigo é responsable do WP2, centrado na biodiversidade do solo e nos servizos ecosistémicos.

Coñecer mellor a vida do solo é fundamental para avanzar cara a unha xestión máis sostible dos ecosistemas. 🌿

13/10/2026

🌱 Avanzar na saúde do solo en Europa

O vindeiro 28 de outubro, Bruxelas acollerá a conferencia final de InBestSoil, proxecto liderado por membros do IAA a través do grupo Planta, Solo e Aproveitamento de Subprodutos (BV1), en colaboración con SoilValues.

A conferencia abordará tres cuestións clave:

🔹 Modelos de negocio vinculados á saúde do solo.
🔹 Incentivos e investimentos.
🔹 Estratexias para ampliar a escala das solucións neste ámbito.

💻 A conferencia tamén poderá seguirse en liña. Consulta a información e inscríbete aquí 👇
https://www.eventbrite.be/e/advancing-soil-health-across-europe-tickets-1997141985440

08/10/2026

🌍 Visita da UMCS á Facultade de Ciencias do Campus de Ourense

O 7 de outubro recibimos na Facultade de Ciencias do Campus de Ourense unha delegación da Uniwersytet Marii Curie-Skłodowskiej w Lublinie (UMCS), Polonia, no marco da rede europea ATHENA.

🤝 No encontro participaron representantes do IAA, e dos grupos Food and Health Omics, TEZE, Bio2Val, e BV1, xunto coa delegación da universidade polaca.

A xornada permitiu poñer en común actividades académicas e liñas de investigación e identificar áreas de interese compartido entre as dúas universidades.

29/09/2026

♻️ Compartimos esta actividade do proxecto europeo BIOTRANSFER, que terá lugar o mércores 14 de outubro

♻️ BIOTRANSFER | Economía circular e valorización de recursos

📅 Mércores, 14 de outubro
🕐 13:00-14:00 h
📍 Salón de Graos Vicente Risco · Edificio de Ferro · Campus Auga

No marco do proxecto europeo BIOTRANSFER, financiado polo programa Interreg España-Portugal (POCTEP), celebrarase unha xornada de presentación do Mapa de Recursos para a Economía Circular en Galicia e Portugal.

Presentarase unha ferramenta baseada en intelixencia artificial para identificar oportunidades de acción en economía circular a partir dos subprodutos da cadea de valor alimentaria.

🌱 Un espazo para coñecer novas posibilidades de valorización de recursos, innovación e aproveitamento de subprodutos no sector alimentario.

25/09/2026

🍺 Cervexa artesá con auga termal de Ourense

O TFG de Arturo Dorelle Rodríguez, tutorizado pola investigadora do IAA Inmaculada Franco Matilla, analiza o efecto da auga termal de Ourense na elaboración de cervexa artesá.

📰 Faro de Vigo:

El estudio científico realizado por la UVigo destaca la buena acogida de los consumidores hacia la ce***za elaborada con agua termal, que presenta un amargor más persistente y una coloración característica

24/09/2026

🌱 Comeza SoilPATH!

O proxecto europeo SoilPATH – SOIL Practices Assessment and Transition for Health iniciou a súa andaina coa xornada de lanzamento celebrada os días 22 e 23 de setembro en Gante (Bélxica).

🔬 Coordinado pola Universiteit Gent, SoilPATH é un proxecto de Horizon Europe que estudará como as prácticas agrícolas inflúen na saúde do solo e no rendemento das explotacións agrarias.

🌱 A Universidade de Vigo e o IAA participan no consorcio a través do grupo BV1. Na reunión participaron os IP da UVigo, Antía Gómez Armesto e Daniel Arenas Lago, xunto con David Fernández Calviño, líder do WP2, e Manuel Conde Cid.

🤝 Estas primeiras xornadas permitiron aos socios definir prioridades e establecer as bases do traballo para os próximos cinco anos.